阿拉屋里廂年夜飯，老早是頂頂隆重個事體。姆媽辣海南小淶個辰光，就交關講究，團圓飯個包子，是一定要留到初一吃個，講是“有頭有尾”，開門紅。到了爹爹手里，弗單是飯，連小菜也要留到初一，伊講，搿弗是吃剩飯剩菜，里向有老底子個傳統(tǒng)搭仔寓意，故事多來兮。今朝就聽聽爹爹來講講課。

爹爹講，年夜飯搿頓，吃個是團圓，品個是親情，討個是口彩。姆媽留個團年包，初一再吃，就是盼個一年到頭，圓圓滿滿。阿拉上海人，年夜飯臺子浪向，小菜儕要有講頭。比方講，魚是必定要有個，但除夕夜里向只看看，弗能動筷子，要留到初一，搿個就叫“年年有魚（余）”，屋里向個福氣、財氣，才弗會斷脫。爹爹學了爺娘個樣子，弗單留飯，還要留好幾樣小菜，講是“隔夜有菜，明年有財”，吃了剩菜，開年運道才會好。

阿拉屋里向個年夜飯，花樣經(jīng)透多。冷盆先浪來個白斬雞，雞同“吉”，寓意吉祥如意；小囡要吃雞翅膀，好“展翅高飛”。四喜烤麩也弗好少，烤麩諧音“靠夫”，希望屋里向個男丁有出息，里向個香菇、木耳、花生米，討個四喜臨門個口彩。

熱炒里向，頭一道要上清炒蝦仁，上海閑話里“蝦仁”搭“歡迎”差弗多，表示對客人個歡迎。壓軸個常莊是只全家福砂鍋，姆媽辣海里向放蛋餃、肉圓、爆魚、白菜、粉絲。蛋餃樣子像金元寶，肉圓象征團圓，粉絲就是“銀條”，一根根長長細細，寓意金銀細軟，源遠流長。伊只砂鍋滾燙，里向物事多得撲出來，象征屋里向窩心、富足。

點心通常是八寶飯搭春卷。八寶飯用個是糯米搭仔八樣寶，象征團圓甜蜜；春卷炸得金黃，像一根根小金條，寓意黃金萬兩。

爹爹還講，老底子吃年夜飯前頭，要先祭祖，叫“做年”。感謝祖宗保佑，再祈求新一年個平安。吃好年夜飯，一家門要“守歲”，辣辣一道講閑話、吃零食，等到半夜里放好炮仗再睏覺，搿能可以祈求長輩長壽?，F(xiàn)在炮仗弗好放了，但守歲個習慣還有交關人家保留。

爹爹感嘆講，現(xiàn)在條件好了，年夜飯可以到飯店里吃，菜式花樣也多，但老法頭里做個規(guī)矩搭仔討口彩個傳統(tǒng)，還是弗能忘記。伊講，留到初一個飯搭仔菜，弗單單是物事，更是對新年個美好盼頭，是阿拉屋里向個“開門紅”。

聽聽爹爹講好，再吃一口初一個“隔年飯”，味道好像也特別點。大概就是因為里向有老多故事搭仔祝福，吃下去，心里向也覺著踏實、窩心。

原標題：《我與年夜飯的故事| 我家年夜飯的說頭》

欄目編輯：趙菊玲

文字編輯：孫云

本文作者：陳華慈